ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានសម្រេចតែងតាំងមន្ត្រីនៃក្រសួងយុត្តិធម៌ដែលមានឋានៈចាប់ពីប្រធាននាយកដ្ឋានដល់អគ្គនាយករងជាង ៦០នាក់។
ក្នុងអនុក្រឹត្យស្ដីពីការតែងតាំងមន្ត្រីរាជការនៃក្រសួងយុត្តិធម៌ ចុះថ្ងៃទី២៣ ខែសីហា នាយករដ្ឋមន្ត្រីបានសម្រេចតែងតាំងមន្ត្រីនៃអគ្គាធិការដ្ឋានក្រសួងយុត្តិធម៌ចំនួន ៩នាក់ អគ្គនាយកដ្ឋានកិច្ចការរដ្ឋបាលតុលាការចំនួន ១២នាក់ អគ្គនាយដ្ឋានកិច្ចការរដ្ឋប្បវេណីចំនួន ៦នាក់ អគ្គនាយកដ្ឋានកិច្ចការអយ្យការនិងព្រហ្មទណ្ឌចំនួន ៩នាក់ អគ្គនាយកដ្ឋានកិច្ចការទុកព្រហ្មទណ្ឌចំនួន ៧នាក់ អគ្គនាយកដ្ឋានកិច្ចការអន្តរជាតិនិងការអភិវឌ្ឍវិស័យយុត្តិធម៌ចំនួន ៩នាក់ អគ្គាធិការដ្ឋានកិច្ចការតុលាការចំនួន ១៣នាក់ និងនាយកដ្ឋានសវនកម្មផ្ទៃក្នុងចំនួនមួយនាក់។
ដែលសរុបនៃការតែងតាំងនេះគឺមានចំនួន ៦៦នាក់៕
